Bahar pasly sähram misli lälezar
Bägül ysly gülzaryma döneýin
Gözel ülkäm meňzär erem bagyna
Bal suwundan goşawuçlap ganaýyn

Göwnüňi göterýär pessaýja şemal
Gün nuruna lowurdaýar çeşmeler
Jana melhem ,kalba ylham eçiler
Şol çeşmäň boýunda düşkäp geçseler

Şildir -şildir akyp gelýär sekizýap
Wasbyňy ýazar men gaýnap göwünden
Sekizýabyň kenarynda oturyp
Ýene-de bir goşgy ýazdym bu gün men

Onki süňňüm baglan ömür örküm sen
Gözel ülkäm ganma ýokdyr görküňden