Çykyp dagyň gerşine
Tebigaty synlaýan
Bu owadan ýaýlany
Heý bolarmy synlaman?

Gör ne ajaýyp dünýe
Gör ne ajaýyp asman
Synlaýaryn dünýäni
Meniň ýüregim gysman

Neneň ýüregiň gysjak
Synlasaň bu sährany
Görseň gözüň gamaşýar
Arassa ak asmany

Guşjagazlar saýraýar
Ýürek joşýar gaýnaýar
Ýaşyl ýaýlada ýaýnap
Owlajyklar oýnaýar

Durşuna bir gözellik
Dillermizde gazallyk
Heý jan elek,jan elek
Gör nähili hezillik

Seni ýürekden söýýän
Eziz ülkäm mekanym
Guşjagazlar saýraşyp
Çalýar söýgi mukamyn