Owal keremli Alla
Iman etmek borjuňdyr
Resulallanyň ýolun
Dowam etmek borjuňdyr

Borjuňdyr halal iýmek
Gazanyp halal geýmek
Dosdyňy saýyp gaýmak
Hormat goýmak borjuňdyr

Ýigitlikde ýigdelip
Ýamanlygy ýigrenip
Ylym -bilim öwrenip
Hem öwretmek borjuňdyr

Sorap hassaň halyny
Gysganma salamyňy
Watan üçin janyňy
Pida etmek borjuňdyr

Borjuň kändir ýene-de
Ýapyş ýagşy senede
Ataňa hem eneňe
Hyzmat etmek borjuňdyr

Bagt örňese öýiňde
Mesligiňden öwinme
Beýik Allaň öňinde
Sežde etmek borjuňdyr