Eger sen özgäni halaýan bolsaň
Özgäni halaýan diýmeli ekeniň
Sen meni yzyňda köýdürip ýörmän
Özgäni halaýan diýmeli ekeniň

Bagt dälmi söýgi bilen ýaşamak
Tolgundyrjy duýgy bilen ýaşamak
Seret maňa gözlemdäki ýaşa bak
Özüňi ýerimde goýmaly ekeniň

Bagtym tagtym diýip işleýän bolsaň
Ýüregiňde arzuw besleýän bolsaň
Bagtly bolmagy isleýän bolsaň
Seni söýýän adamy söýmeli ekeniň

Yşga düşdüm däli diwana boldum
Biwepa ekeniň men indi bildim
Bu gün göz ýaş döküp gaşyma geldiň
Indi giç wagtynda gelmeli ekeniň