Salam eje !
Ýagdaýlaryň gowumy ?
Janyň sagmy ,gezip ýörmiň sag-aman
Mähribanym seniň gözel keşbiňi
Ýatlaýaryn her pursatda,her zaman

Menem gowy ...
Käte ýatlap obamy,
Geçenleri ýatlap edýärin pikir
Eje meni asla alada etme
Janym sag
Keýpim kök
Hudaýa şükür

Duýýan käbäm käte goşgylarymy okap
Ýatlaýansyň meni göz ýaşyň dökip
Bilýän buýsanýansyň esger ogluma
Garaşýansyň geljek ýoluma bakyp

Duýdansyz geçip dur durmuşyň saly
Garaş käbäm menem bararyn hökman
Şol ýerde hoşlaşyp gidişim ýaly
Ýene-de şol ýerde duşarys hökman