Saýra bagşym
(Inim Esko bagyşlap ýazan goşgym)
Saýra bagşym owazyňa döneýin
Saýra bilbil kimin gülüň yşgynda
Aýdymlarňy diňläp-diňläp ganaýyn
Gözelligi wasp et bagtyň keşbinde
Gaýna bagşym gaýna köňül joşsunla
Göwünlermiz ganatlansyn guş bolup
Aran ýüreklere bol sen teselli
Gaýgy-gussa gitsin bizden daş bolup
Daşyndan guwanýan Esger inime
Tüweleme joşýar ýaz ýaly sesi
Görüpler badyňa badak bolmasyn
Artsyn aýdymlaryň , artsyn höwesiň
Gökdepäň ýyldyzy , toýlaň bezegi
Sen gelseň toýlaryň artar gyzygy
Taryp edip gözelligi , gözeli
Saýra sen , gaýna sen , ýaýna sen bagşym
Ýaýna bagşym bu eşretli eýýamyň
Lezzetini duýup , söýüp ýaşa sen
Belentden ýaňlansyn mahman owazyň
Adyň baky ýüreklerde ýaşasyn
(27.09.2022)
Gerçeknazar Amannazarow