Aýyrdy meni

Boldy besdir artyk ýürek çydanok
Yşgyň ýüki juda maýyrdy meni
Nüçin ykbal meni ýalňyz galdyryp
Eziz söýgilimden aýyrdy meni

Şerap içip dälliresem bir pursat
Şol gözel durmuşdan doýurdy meni
Yşk ataşy ýakdy ýalňyz ýüregmi
Lowurdap-lowurdap gowurdy meni

Bir wagtlar menem juda bagtlydym
Göýä şol gözel hem söýerdi meni
Ýöne ýalan eken onuň söýgisi
Duýdansyz saman deý sowurdy meni

…Şeýdip kerwensaraý özgerdip kem-kem
Başga bir adama öwirdi meni

Gerçeknazar Amannazarow.